Servicenavigation
Hauptnavigation
Schnellzugriff
Inhalt
Pertge ignoreschan ils politichers las vuschs dals pertutgads?
La NGF grischuna vegn titulada la refurma dal tschientaner – 571 fegls da palpiri na fan però betg anc in’ovra dal tschientaner. La NGF è vegnida instradada gia da l’entschatta a moda negligenta ed en in tempo orrent. Da las vuschs criticas dal sectur da furmaziun e dals fatgs socials han ins strusch prendì enconuschientscha, i mancava simplamain il temp. Jon Domenic Parolini, il president da la cumissiun directiva en il Cussegl grond, ha ditg quai fitg cler: “La Cumissiun per politica da stadi e strategia (CPSS) è sa fatschentada intensivamain cun la materia ils davos mais. Questa lavur è era stada per nus parlamentaris da milissa ina gronda sfida. Nus ans avain pudì procurar ina survista, senza però avair discutà intensivamain tut ils aspects en detagls. A nus mancava simplamain il temp.” (Citat or dal protocol verbal da l’avrigl 2009). Sut quest squitsch da temp han la regenza ed il parlament era ignorà per gronda part las vuschs da lavurants e patruns e d’organisaziuns spezialisadas e d’autoagid.
Co è quai pussaivel?
La NGF grischuna è vegnida elavurada d’ina gruppa da project en il Departament da finanzas e vischnancas. Ils directurs dals uffizis pertutgads principals n’eran betg represchentads en questa gruppa da project, mabain sulettamain ils secretaris da departament. Tenor communicaziun da pressa da la regenza è la NGF grischuna vegnida crititgada fermamain surtut en las posiziuns dals secturs da furmaziun e da fatgs socials, tranter auter perquai ch’ella violeschia en differents lieus las basas legalas ed ils princips giuridics.
La regenza n’ha però betg vulì udir quest impurtant appel da prender temp e ponderar las propostas, perquai ch’ella aveva planisà termins ambizius e vuleva far vinavant. Uschia n’hai strusch tanschì d’evaluar ils resultats da la consultaziun avant ch’elavurar propostas per la legislaziun. Ils menders sbagls han ins eliminà, ma per correcturas fundamentalas ha il temp mancà.
La missiva da la regenza al cussegl grond è vegnida suttamessa al parlament mez favrer 2009 e publitgada ils 20-02-2009. Las cumissiuns en il parlament da milissa han gì dus mais temp per discutar la missiva e suttametter lur propostas al parlament. Picant è che las cumissiuns responsablas per il sectur da furmaziun e dals fatgs socials han commentà la missiva a moda fitg critica ed han fatg numerusas propostas da modificaziun ch’èn alura vegnidas refusadas quasi cumplettamain da la cumissiun directiva ed alura era dal cussegl.
Co è quai pussaivel?
La NGF grischuna è vegnida elavurada d’ina gruppa da project en il Departament da finanzas e vischnancas. Ils directurs dals uffizis pertutgads principals n’eran betg represchentads en questa gruppa da project, mabain sulettamain ils secretaris da departament. Tenor communicaziun da pressa da la regenza è la NGF grischuna vegnida crititgada fermamain surtut en las posiziuns dals secturs da furmaziun e da fatgs socials, tranter auter perquai ch’ella violeschia en differents lieus las basas legalas ed ils princips giuridics.
La regenza n’ha però betg vulì udir quest impurtant appel da prender temp e ponderar las propostas, perquai ch’ella aveva planisà termins ambizius e vuleva far vinavant. Uschia n’hai strusch tanschì d’evaluar ils resultats da la consultaziun avant ch’elavurar propostas per la legislaziun. Ils menders sbagls han ins eliminà, ma per correcturas fundamentalas ha il temp mancà.
La missiva da la regenza al cussegl grond è vegnida suttamessa al parlament mez favrer 2009 e publitgada ils 20-02-2009. Las cumissiuns en il parlament da milissa han gì dus mais temp per discutar la missiva e suttametter lur propostas al parlament. Picant è che las cumissiuns responsablas per il sectur da furmaziun e dals fatgs socials han commentà la missiva a moda fitg critica ed han fatg numerusas propostas da modificaziun ch’èn alura vegnidas refusadas quasi cumplettamain da la cumissiun directiva ed alura era dal cussegl.