Servicenavigation
Hauptnavigation
Schnellzugriff
Inhalt
Arguments encunter la NGF grischuna
La NGF grischuna prevesa ina nova gulivaziun da finanzas tranter il chantun Grischun e las vischnancas e collià a quella ina nova repartiziun da las incumbensas. La NGF grischuna vul detretschar tant sco pussaivel totalmain 57 incumbensas dal stadi e las attribuir u al chantun u a las vischnancas. Il plaun correspundent (chantun u vischnanca) survegn en il futur ils meds finanzials senza cleras directivas generalas, quai che pussibilitescha, cuntrari a la situaziun odierna cun meds finanzials liads, ina gronda libertad d’agir.
Pli che la mesadad da las incumbensas che duain vegnir detretschadas concernan il sectur da la furmaziun e dals fatgs socials. La NGF grischuna è en emprima lingia in project che concerna la furmaziun ed ils fatgs socials. Incumbensas fitg impurtantas per la populaziun grischuna duain vegnir adossadas en il futur a las singulas vischnancas. Quai includa per gronda part la scolina e la scola populara (1-9 classa), il sustegn d’instrucziun e terapias per uffants cun basegn da promoziun spezial, la cussegliaziun sociala dals servetschs socials regiunals e bler auter. 79 pertschient da las vischnancas grischunas han main che 1’000 abitantas ed abitants. A bleras vischnancas mancan las resursas, las experientschas e las capacitads per pudair ademplir questas incumbensas sensiblas a moda professiunala.
Pli che la mesadad da las incumbensas che duain vegnir detretschadas concernan il sectur da la furmaziun e dals fatgs socials. La NGF grischuna è en emprima lingia in project che concerna la furmaziun ed ils fatgs socials. Incumbensas fitg impurtantas per la populaziun grischuna duain vegnir adossadas en il futur a las singulas vischnancas. Quai includa per gronda part la scolina e la scola populara (1-9 classa), il sustegn d’instrucziun e terapias per uffants cun basegn da promoziun spezial, la cussegliaziun sociala dals servetschs socials regiunals e bler auter. 79 pertschient da las vischnancas grischunas han main che 1’000 abitantas ed abitants. A bleras vischnancas mancan las resursas, las experientschas e las capacitads per pudair ademplir questas incumbensas sensiblas a moda professiunala.
Tut las impurtantas organisaziuns spezialisadas e professiunalas dal sectur da furmaziun e da fatgs socials refusan per quests motivs la NGF grischuna ed èn sa reunidas en il Comité ‘NA a la NGF grischuna’. Nus essan persvas ch’igl ha in effect negativ sin la qualitad da las incumbensas centralas dal stadi e sin l’access a quellas, sche mintga vischnanca sto reglar sezza quests fatgs. Sche las vischnancas fan diever da lur novas libertads d’agir e stattan a medem temp sut squitsch finanzial, vegn i prest a dar grondas differentas en l’access, la purschida e la qualitad da la scola populara e dals fatgs socials.
Il comité ‘NA a la NGF grischuna’ è persvas che questa disposiziun è fallada ed ella recumonda perquai a las votantas ed als votants da metter ils 7 da mars in NA en l’urna e pussibilitar qua tras l’elavuraziun d’in meglier project.
Il comité ‘NA a la NGF grischuna’ è persvas che questa disposiziun è fallada ed ella recumonda perquai a las votantas ed als votants da metter ils 7 da mars in NA en l’urna e pussibilitar qua tras l’elavuraziun d’in meglier project.
 |
Tut ils arguments encunter la NGF grischuna (0.11 MB) |
