Comité 'NA a la NGF grischuna'

Quai è la pagina uffiziala dal comité da las uniuns ed organisaziuns "Na a la NGF grischuna": www.ngf-grischuna.ch. Il Grischun perda perquai che quest project da lescha pertutga per gronda part incumbensas dals secturs da la furmaziun e dals fatgs socials. Cun quai perda ina vasta part da la populaziun: las famiglias, ils uffants, las persunas basegnusas e las persunas cun impediments.

In NA a la NGF arva las portas per ina megliera proposta.

Perquai: NA a la NGF ils 7 da mars 2010

Il comité "NA a la NGF grischuna" sa cumpona da las uniuns ed organisaziuns relevantas dals secturs da la furmaziun e dals fatgs socials. Questa coaliziun che vegn sustegnida d'emploiaders, autoritads, persunas dal fatg, pratichers e pertutgads è persvadida ch'ils effects da la NFA grischuna sin la qualitad dals secturs da la furmaziun e dals fatgs socials èn cleramain negativs.

La qualitad da la scola populara e dals fatgs socials na dastga betg esser dependenta da la forza finanziala da las vischnancas. Ils secturs da la furmaziun e dals fatgs socials contribueschan a moda essenziala a la coesiun da la societad. La NGF grischuna destruescha quest spiert da cuminanza. Il Grischun perda cun la NGF!

________________________